100 kada adlaw babakunahan ha DHC, Norte Tacloban

100 kada adlaw babakunahan ha DHC, Norte Tacloban

100 kada adlaw babakunahan ha DHC, Norte Tacloban

No Comments on 100 kada adlaw babakunahan ha DHC, Norte Tacloban

Tacloban City ( Jan 19, 2022) — Han ibalik dida han Enero 17 ha mga District Health Centers an panbakuna kontra Covid-19, usa an District Health Center (DHC) ha Norte Tacloban nagpatuman dayon hini.

Para makag patuman han health protocols sugad han tama nga lat-ang tikang han kada usa, kada adlaw, usa ka gatus (100) la an babakunahan- an sobra han 100- mabalik ha kinabuwasan ngan uunahon ha pagbakuna.

Yana nga adlaw ha pagbisita han news team, nakita nga damo an karuyag magpabakuna, samtang naghuhulat may-ada mga lingkuran ngan tent nga ginsisirungan an mga tawo ha atubangan han Health Center.

An District Health Center ha Norte Tacloban in nahimumutang ha intrada han GMA Kapuso Village ha Brgy. 106 Sto. Niño- Lunes ngadto ha Biyernes an adlaw han panbakuna.

Madagmit la an proseso, pakakuha han form, tse-check up pon an panlawas ngan kun pwede bakunahan, malinya na ha vaccination room para han injection. Astrazeneca ngan Sinovac an mga bakuna para han 1st ngan 2nd dose.

Kaupod han mga Health personnel tikang han City government of Tacloban ha pag atiman han mga napabakuna an mga Barangay Health Workers (BHWs) han barangay.

M. Padernos/CIO

About the author:

Leave a comment

Back to Top