12 mga batan-on nagtapos han training

12 mga batan-on nagtapos han training

12 mga batan-on nagtapos han training

No Comments on 12 mga batan-on nagtapos han training

Tacloban City- (8.10.21) – Diri pasmado o diri kurog nga kamot ngan may abilidad ha Arts Design. Ini in pira hiton kinahanglan han mga batan-on nga naruruyag mag-aram han manu-mano nga Silk Screen Printing.

Yana nga adlaw, Agusto 10, 2021, 12 nga mga batan-on nga mga stay-in ha Boys Town ha Brgy. 108 Tagpuro an nagtapos han ira 15 diyas nga Silk Screen Printing training ipinaagi han Trainer nga hi Regina “Reggie” Serevilla ha ilarom han CLEP program han City Government of Tacloban.

Ini nga program in subay han tinguha ni Mayor Alfred S. Romualdez nga magin produktibo an mga batan-on ha bisan ano nga aktibidad basta ha maupay nga paagi.

Siring han trainer nga hi Serevilla, labot la nga may-ada training para han mga kabataan, nakakabulig gihapon haira an ira unob nga kinaadman ha Art Design nga hira in madali makaghimo hin iba iba nga mga disenyo para han ira ig- iimprenta ha T-Shirt ug iba pa. Ini nga kinaadman ha Silk Screen Printing kun tututokan in magigin surok hin pakabuhi.

Nahibaruan nga dida han 15 diyas nga training han kabataan, hira in supportado han training materials han Social Development Center for Children (SDCC) ipinaagi han City government of Tacloban.

M. Padernos/CIO

About the author:

Leave a comment

Back to Top