Tacloban City (Dec. 21, 2021) — Ciento cuarenta y cinco (145) nga mga pamilya an natagan hin panmaihaan nga pamaskuhan ipinaagi han raffle binuhat ha City Engineers Gymn.

Siring ni Ted Jopson, mangulo han City Housing and Community Development Office, an Knights Ridge ha Brgy. 98 Camansihay ini nga mga pabahay nga gin raffle ngadto han mga benebisaryo komo usa han programa han City Government ngan han NHA nga matagan hin talwas nga puy-anan an mga Yolanda survivors tikang han mga No Dwelling Zones han siyudad.

Gintugon gud hin maupay ni Jopson an mga benepisaryo nga diri ibaligya an balay kay para gud ini haira mismo.

Samtang, gintag-usa usa naman ni Dan Naputo pag-esplikar an mga regulasyon nga angay pagsundon han mga benepisaryo samtang hira in aada nag-uukoy han pabahay community para malikayan an pagka derodeperensiya han mag-aramyaw.

Magsasarit anay ha City Housing an hin-o man nga mag rerenovate o magbubutang hin mga struktura dida han ira balay komo kaparte han legal nga proseso, siring ni Naputo.

Hi Atty. Agnes Pacheco an nag representar kan Mayor Alfred S. Romualdez dida hini nga raffle, nga gin-atenderan liwat nira Neil Jerson Delos Santos tikang ha Presidential Commission on Urban Poor (PCUP), ngan Britanny Yu tikang ha Commission on Human Rights.

M. Padernos/CIO