365 NGA PAMILYA SIGURADO NA DIRI MA EESKWAT

365 NGA PAMILYA SIGURADO NA DIRI MA EESKWAT

365 NGA PAMILYA SIGURADO NA DIRI MA EESKWAT

No Comments on 365 NGA PAMILYA SIGURADO NA DIRI MA EESKWAT

Usa naliwat ka gatos (100) nga mga pamilya ha Brgy. 103 Palanog an yana hul-os na an paglaum nga diri na gud paiiwason dida han ira gin-uukyan nga tuna han gobyerno.

Ini in kahuman nira makarawat yana nga adlaw, Nobyembre 4, tikang ha City government of Tacloban ha ilarom han liderato ni Mayor Alfred S. Romualdez an ira Certificate of Confirmation para han tuna kun diin natindog an ira balay.

Ha ngaran ni Mayor Alfred, hira Mr. Ted Jopson, mangulo han City Housing; City Councilor Elvira Galapon-Casal, Atty. Agnes Pacheco han City Mayor’s Office ngan Brgy. 103 Kapitan Silvino “Botyok” Baldesco an nanhatag han mga Certificate ngadto han mga benepisaryo.

Sumala kan Atty. Pacheco, yana nga naihatag na an mga Certificate, masunod na an iba pa nga proseso han City government para maibalhin an ngaran o panag-iyahan han tuna ngadto han mga benepisaryo hini.

Ha mando ni Mayor Romualdez, siring ni Atty. Pacheco, upod nga tratrabahoon han City government nga malibre na an mga baraydan ha pag proseso han ira mga tuna basi diri na problemahon pa nira.

Iginpatapod naman ni Ted Jopson nga aada an City Housing nga asya an nagtratrabaho han ira mga dokumento nga padayon hira nga mabulig hasta ngadto han kahuman han proseso.

Ha kabug-osan, siring ni Brgy. Kapitan Baldesco, 365 na nga mga Certificate of Confirmation na an naipanhatag han City government dida han ira barangay; ngan hiton masunod nga semana lain liwat nga ihap hin mga benepisaryo an pananagan hini.

M. Padernos/CIO

About the author:

Leave a comment

Back to Top