Development Projects padayon ha butnga han pandemya

Development Projects padayon ha butnga han pandemya

Development Projects padayon ha butnga han pandemya

No Comments on Development Projects padayon ha butnga han pandemya

Tacloban City ( Aug. 20, 2021) – Ha butnga han pandemya, padayon la gihapon an mga development projects ha mga tay-aw nga mga barangay han siyudad- subay han mga nakalatag na nga mga programa ni Mayor Alfred S. Romualdez.

Ha Barangay 103- Palanog, siring ni Punong Barangay Sibino S. Baldesco, Jr. nagpapadayon an pagsemento han ira mga kalsada nga ha una maglagay ngan tubigon kun mauran sanglit makuri an pag-aagi.

Yana ha Purok 6 an ginsesemento nga aada ha lima (5) ka metros an kahilapad, samtang aada na ha 60 metros an kahilaba nga sesementohon subay han una nga program of work. An Pruok 6 road in may-ada kabug-osan nga 90 metros an kahilaba nga ginhihinaot ni Kapitan Baldeso nga maubos hin masemento.

Samtang, an dalan tipakadto han Operation Blessing nga pabahay dida hini nga barangay, nagpapadayon pa an negosasyon han City government, Barangay, ngan han tag-iya han tuna agud nga masemento ini kay makuri gihapon an pag-aagi labi na gud kun panahon hin mauran.

Siring ni Kap. Baldeso, nagpahayag na hin bulig hi Mayor Romualdez para han pundo nga masemento ini, kundi ginhuhulat pa an resulta han negosasyon ha tag- iya han tuna.

Dako an pasalamat ni Kapitan Baldesco kan Mayor Romualdez nga bisan kun aadto hira ha tay-aw nga barangay diri hira nahingangalimtan.

M. Padernos/CIO

About the author:

Leave a comment

Back to Top