Para makaghatag hin libre ngan dekalidad nga serbisyo medikal ha norte Tacloban, kasugbong han City Health Office (CHO) an Family Medicine Department han Eastern Visayas Medical Center (EVMC).

Sumala kan Dr. Lucille Noroña- Gasco, resident Doctor han EVMC ngan focal han mao nga programa nga nagtikang ini dida pa han tuig 2018.

Ha ilarum han programa, nagpapadara an EVMC hin FAMED resident doctors ngan 16 nga post grad interns ha Sto. Niño District Health Center para maghatag hin serbisyo medikal ha mga barangays nga sakop han district health center, sugad han medical consultation ngan lectures bahin han talwas nga pagburod, pagpapasuso, sakto nga pag-atiman han lawas han mga edaran, lectures parti teenage pregnancy, ngan iba pa.

Gintutukan han mga resident doctors an adult, pedia ngan family medicine, sanglit mayda nira nakalinya nga mga aktibidadis kada semana, nga amo an Lunes – pregnant inpatients; Tuesday – pediatrics; Wednesday -immunization/vaccination; Thursday-Adult Medicine; ngan Biyernes – Geriatrics (Senior citizens 60 and above).

Abilable an mga Doktor, alas 8 hiton hasta alas 4 hiton kulop kada Lunes hasta Biyernes.

Nagbubuhat gihap hira hin mga home visits ha mga pasyente ha pakikipagsumpayan han mga Barangay Health Workers (BHW).

Samtang, bag-o la nga gin-adopt han programa an Brgy. 107 sta. Elena, kun diin abilable an ira serbisyo kada Miyerkules.

#CIOUpdates

#healthservices

: H.J. Roca/CIO

: E.A. Lagahit/CIO