Former Mayor Cristina Romualdez nag representar kan Mayor Alfred; 291 pamilya nalipay

Former Mayor Cristina Romualdez nag representar kan Mayor Alfred; 291 pamilya nalipay

Former Mayor Cristina Romualdez nag representar kan Mayor Alfred; 291 pamilya nalipay

No Comments on Former Mayor Cristina Romualdez nag representar kan Mayor Alfred; 291 pamilya nalipay

Doscientos noventa y uno (291), ini an kadamo han pamilya ha Brgy. 103 ngan Brgy. 12 Palanog nga gintagan hin hul-os nga kalipay yana nga adlaw kahuman matagan han Certificate of Confirmation tikang ha City government of Tacloban nga nagpapabakod han ira pag-ukoy dida han kanan gobyerno tuna kun diin aada natindog an ira yana balay.

Mismo hi anay Mayor Cristina Gonzales- Romualdez, Hon. Aimee Delgado – Grafil komo Chairperson han Committee on Urban Poor Housing and Human Resettlement, ngan tigsiring ka konsehal han Tacloban Mannix Marta an nanduhol han Certificate komo mga representante ni Mayor Alfred S. Romualdez.

Siring ni Mrs. Nida Tupaz, Presidente han Brgy. 12 Home Owners Association (HOA), duro gud an ira kalipay nga nagbunga na yana an paniguro han HOA tikang pa dida han 2010, ngan han pagka 2019, siring niya, ha bulig han City government ipinaagi han City Housing Office nagin madagmit na an proseso han mga dokumento ngan asya ini yana nga may-ada na nira certificate of confirmation.

Sumala naman kan Mr. Ted Jopson, sobra usa ka yukot ini nga tanan ha kabug-osan, sanglit may-ada pa masunod nga mga panhatag hini nga Certificate of Confirmation han iba, samtang madalagan liwat an proseso han pag titulo na mismo han mga tuna hadton mga natagan na han confirmation.

An paka karawat han Certificate of Confirmation, in nagpapamatuod nga hira in diri na ma eeskwat dida hini nga kanan gobyerno tuna- lugod bubuligan hira han City Government nga matuhay an ira mga papales hasta ha pag butang han mga kaangyaan nga pasilidad ha Palanog Area.

M. Padernos/CIO

About the author:

Leave a comment

Back to Top