Gintak-opan nga cross-drain culvert ginkabkaban, nakakaagi na an tubig

Gintak-opan nga cross-drain culvert ginkabkaban, nakakaagi na an tubig

Gintak-opan nga cross-drain culvert ginkabkaban, nakakaagi na an tubig

No Comments on Gintak-opan nga cross-drain culvert ginkabkaban, nakakaagi na an tubig

TACLOBAN CITY (Sept. 17, 2021) – Ini an culvert nga nakita kahuman kabkaban han mga taga CDRRMO ngan City Engineers Office – nagsesrbe kunta ini nga cross-drain ha national highway sakop han Brgy. 105 Suhi ha Norte Tacloban nga aagian han tubig para makatabok ha luyo nga dapit han kalsada.

Pero dida han Septyembre 07, 2021 panahon han bagyo Jolina nagbabaha an highway, an rason, ini nga culvert cross-drain gintak-upan an ganggang han culvert ha ligid han kalsada hin maabot un metro an kahitaas ngan tupong han kalsada. Dida hini nagka problema nga nag resulta han babaha.

Makikita ha mga letrato an kahilapad ngan kahitaas han ginkabkab han mga City government para mahawanan an ganggang han culvert ngan makaawas utro ha ilarom han kalsada an tubig nga nagtitikang ha bukid nga parte han highway nga asya an nagigin hinungdan han baha.

Sumala kan CDRRMO Officer Brando Bernadas, an iya buhatan ngan han DPWH iton nagsusumapayan yana para tagan hin hul-os nga solusyon ini nga dapit komo osa ini nga national highway.

Mahinunumduman nga iginpahayag ni Bernadas nga usa nga nagtatag-iya hin bodega an gin-aalegar nagtak-op han draignage dida hini nga dapit nga, siring ni Bernadas, susuratan han City Government agud mag esplikar hini nga hitabo.

M. Padernos/CIO

About the author:

Leave a comment

Back to Top