Livelihood Training Center ha Norte Tacloban ipapasundayag ha EVSU Trade Fair

Livelihood Training Center ha Norte Tacloban ipapasundayag ha EVSU Trade Fair

Livelihood Training Center ha Norte Tacloban ipapasundayag ha EVSU Trade Fair

No Comments on Livelihood Training Center ha Norte Tacloban ipapasundayag ha EVSU Trade Fair

Tacloban City (Aug. 23, 2021) – Yana nga maabot Agusto 25, 2021, may pagbubuhaton nga Trade Fair an Eastern Visayas State University (EVSU)- ngan osa han mga ipapasundayag nga mga produkto an mga hinimo tikang han kanan City government of Tacloban Livelihood Training Center nga nahimumutang ha sulod han GMA Kapuso Village ha Norte Tacloban, Brgy. 106-Sto. Niño.

Ini nga Livelihood Training Center an osa han mga proyekto han City government of Tacloban nga suportado ni Mayor Alfred S. Romualdez- nga direkta aada ha pag- atiman han City Cooperative Development & Livelihood Assistance Office (CCDLAO).

Sumala kan Rosalia Ramirez, Production Manager han Livelihood Training Center, mga de kalidad nga ulonan, punda, pot holders, bags, coin pouches, liquid dishwashing soap, ngan cotton cloth nga facemask, ug hin damo pa nga iba- ngatanan ini tikang dida hini nga Livelihood Training Center nga mapapalit ha sulod han upat (4) ka adlaw nga Trade Fair ha EVSU, tinikangan Agusto 25.

Yana pala ngadaan, siring ni Rosalia, dako na an pasalamat han maabot 35 nga mga kaapi han Livelihood Center nga nahibulig hira hini nga Trade Fair, kay dako ini nga uportunidad nga hira in mapapalitan han ira mga produkto ngan makabulig man liwat haira pan adlaw-adlaw nga pagkaon labi na yana nga aada pa ini nga pandemya.

Kada adlaw abri ini nga ira Center, sanglit an mga karuyag pumalit han ira dirodilain nga produkto pwede la kumadto haira buhatan para maka panmili han ira karuyag paliton, dugang pa nga pahayag ni Rasolia.

💻
📷

MMPadernos/CIO

About the author:

Leave a comment

Back to Top