Magkakaada na hin Fire Station ha Norte Tacloban

Magkakaada na hin Fire Station ha Norte Tacloban

Magkakaada na hin Fire Station ha Norte Tacloban

No Comments on Magkakaada na hin Fire Station ha Norte Tacloban

Ini in kahuman nga an konseho han siyudad in mag aprobar hin usa nga resolution paghatag hin otoridad kan Mayor Alfred S. Romualdez nga sumulod hin kasabutan ha usa nga Deed of Usufract ha butnga han City Government of Tacloban ngan han Bureau of Fire Protection para hin tuna nga gintatag-iyahan han City government nga nahimumutang ha Brgy. 101 New Kawayan.Nahingadayan ini han konseho dida han ira ika 68th nga regular session han Abril 21, 2021.

Dida hini nga tuna nga may kahiluagon nga 500 kilometro kwadrado titindugon an fire station nga pagtatawagon nga North Fire Sub-station.

An northern barangay han siyudad, nga yana mas ginkilala na ha ngaran nga Norte Tacloban in padayon nga nagtitidako nga lugar, ngan ginkikita ngani bangin magin usa pa nga siyudad ha sulod han siyudad han Tacloban dara nga nalubo na an populasyon dida hini nga dapit.

Kahuman han super typhoon Yolanda dida han November 08, 2013, an Norte Tacloban an nagin relocation sites hin maabot 60,000 ka pamilya tikang ha mga danger zones han Tacloban- labi na an tikang ha mga baybayon, diin hira in gintagan hin libre mga pabahay han gobyerno.

Komo kaparte han nagtutubo nga Norte Tacloban, dida pala han Abril 21, 2021, pormal na nga gin-inagurasyonan an bag-o nga Police Station han Norte Tacloban nga ginmangulohan mismo ni Mayor Alfred S. Romualdez.

Sanglit ha panahon nga matindog na ini nga ginhihingadayan nga Fire Station diri na masyado mababaraka an mga tawo kay aada na mismo ha ira lugar an fire Station.

M. Padernos/CIO

About the author:

Leave a comment

Back to Top