Pagtutugutan na pag-agi ha Mangonbangon Bridge (Paseo de Legaspi) an mga Motorcycle For Hire (MCH) gamit an usa nga lane nga natapos na tinikangan yana nga tiarabot nga Lunes, Nobyembre 22. Sumala han abiso ni Engr. Johnny Acosta han DPWH, una nga pagtutugutan an mga MCH, ngan masunod naman hini an pagtikang pagtugot han mga multicab kahuman han usa kasemana, Lunes gihapon nga adlaw, Nobyembre 29. Hinay-hinay naman nga pagtutugutan pag-agi an iba pa nga klase hin sarakyan dida han nasabi nga bag-o nga gin-repair nga four-laned nga tulay ha masunod nga mga adlaw.

Kakulop nga adlaw, Nobyembre 18, utro nga nagbuhat hin inspection hi Mayor Alfred Romualdez, kaupod an iya anak nga hi Hiraya Foundation President Raymund Romualdez, han nasabi nga tulay agud makit-an an development han paghingayad hini.

Mahinunumduman nga hadi nga nakalabay nga bulan dida hin usa nga interview, ginpatapod han alkalde han syudad nga magiging-operational na an Mangonbangon Bridge yana nga bulan.

RPA-Cablao/CIO