MAY TUBIG NA HA NORTE TACLOBAN PABAHAY

MAY TUBIG NA HA NORTE TACLOBAN PABAHAY

MAY TUBIG NA HA NORTE TACLOBAN PABAHAY

No Comments on MAY TUBIG NA HA NORTE TACLOBAN PABAHAY

Tacloban City, Philippines (June 05, 2021) – Kita ha mga bayhon an kalipay hini nga mga bata samtang nagsasalud hin tubig tikang han kanan City Government of Tacloban ha liderato ni Mayor Alfred S. Romualdez, ngan Prime Water Leyte Metro project nga water system ha Norte Tacloban.

Usa ini nga kumon nga alugan diin may-ada upat (4) nga gripo nga nahimumutang ha intrada han Ridge View Park pabahay sakop han Bgy. 97 Cabalawan diin makusog an awas han tubig tikang han gripo.

Siring ni Brgy. Kapitan Lito P. Balangbang, dida hini nga kumon nga mga gripo, may-ada gutiay nga ginbabaydan an mga maalog- tag piso (P1.00) an kada water jug.

Ini nga tag piso-piso nga bayad, ginbabatag- batag ngadto hin iba–iba nga panuyuan; 50 centavos para han duduha nga nagliwanliwan pagbantay; 25 centavos para ngadto han HomeOwners Association; ngan 25 centavos para ha maintenance, panpalit han hose nga gripo kun naruruba.

Ginklaro ni Kapitan Balangbang nga ginkasabutan ini ha butnga han Barangay ngan han mga taga Ridge View Park pabahay, salit may record ini ngan accounting o talaan han nasulod ngan nagawas nga kwarta ngan pwede kitaon an record han kun hin-o nga karuyag kumita.

Dugang nga pagklaro ni Kap. Balangbang, ini nga kumon nga alugan in temporaryo la samtang gintratrabaho an mga linya han tubig deretso na ngadto han mga balay, nga sumala haiya base han iya pinaka bag-o nga meeting upod kan Engr. Cabriana han PrimeWater Leyte Metro.

An bantay han tubig nga hi Anacorita Villagracia, nagsumat nga ‘hadto waray hini bayad, kun naruruba ngani an mga gripo ngan hose nagproproblema hira ngan nakakarag an tubig kay nag-iinawas man. Sanglit, gin kasarabutan nga sumukot hin guitay nga bayad, Tag piso kada jug para makakapalit dayon han mga naruruba.

Ha usa ka adlaw, naabot hin P1,300 an pinaka hitaas nga collection, ngan P800.00 an pinakahimubo, nga adlaw-adlaw iginreremit ha Barangay.

Waray limit an pag-alog, bisan pira ka jug, siring ni Mana Anacorita.Ini nga nanay nga hiya mismo nagmamaneho han pedicab nga iya ginkakargahan han tubig, dako an pasalamat hini nga proyekto kay makusog an awas han tubig ha bug-os nga adlaw. Mahitungod hini nagin medyo magaan na an ira kinabuhi dida han pabahay.

M. Padernos/CIO

About the author:

Leave a comment

Back to Top