Mga dabi ha illegal nga droga pagbabawian han balay Tacloban City

Mga dabi ha illegal nga droga pagbabawian han balay Tacloban City

Mga dabi ha illegal nga droga pagbabawian han balay Tacloban City

No Comments on Mga dabi ha illegal nga droga pagbabawian han balay Tacloban City

Balay o illegal nga droga? Ini iton angay yana pinsaron han mga aada nag-uukoy ha mga pabahay.

Nadiri gud hi Mayor Alfred Romualdez basta parti hin illegal nga droga, sanglit dako an posibilidad nga mabawian han ira balay an mga nahidabi ngan mga mahidadabi pa hin pamaligya han illegal nga droga.

Ini in sumala kan Ted Jopson mangulo han City Housing and Community Development Office han Tacloban City, kasumpay han mga hitabo diin may mga nag-uukoy ha mga pabahay ha Norte Tacloban nga nagkakadadakop ha buy-bust operation han PDEA ngan PNP.

Siring ni Jopson, an mga benepisaryo han ngatanan nga pabahay, san-o maka ukoy dida han balay, in may-ada gin pipermahan ngan angay gud pagsundon nga mga aludayday dida han Occupancy Rules. Dida hini nga Occupancy Rules, iginlatag an mga diri angay buhaton samtang hira in nag-uukoy dida han mga pabahay. Usa na dida hini nga igindidiri, an pag gamit ngan pagbaligya han illegal nga droga sugad han shabu.

An mga benepisaryo han pabahay, sumala kan Jopson, in ngatanan umagi hin Social Preparation Orientation san-o natagan han balay diin panuyo hini nga mabag-o an mga pan gawi o pamatasan nga magin mahimyang an ira pag-ukoy ha usa nga bag-o nga kumunidad. Ngan, dugang pa ni Jopson, regular na ini nga ginbubuhat han ira buhatan basi diri mahihingangalimot an mga tawo.

Ginklaro ni Jopson nga gin-andam na han ira buhatan an mga documentary requirements para han pag bawi han mga balay, ngan paghihimangrawan liwat ini han City Housing Board.Yana ginhuhulat nala an sentensiya han husgado han mga nakasuhan han illegal nga droga, ngan kun magin guilty an sentensiya, hira in pagbabawian gud han ira balay.

Pilak nga sagdon ni Jopson, pagsundon gudla an aada ha Occupancy Rules, ngan labi na nga diri magbuhat hin mga illegal kay madadamay an bug-os nga pamilya kun mabawian na han balay.

M. Padernos/CIO

About the author:

Leave a comment

Back to Top