Mga illegal nga Buno-an iginpapatanggal

Mga illegal nga Buno-an iginpapatanggal

Mga illegal nga Buno-an iginpapatanggal

No Comments on Mga illegal nga Buno-an iginpapatanggal

Tacloban City — Para maproteheran an Fish Sanctuary, mismo an konseho han Brgy. 69 in naghimo han ordinansa; gintawag ini nga Barangay Ordinance No. 01-2018, otherwise known as “Buno-an” Regulation Ordinance of Barangay 69, Tacloban City”.Ha luyo hini nga ordinansa, may-ada la gihapon nagbutang hin mga Buno-an ha Brgy. 69 Anibong.

Kasumpay hini, dida han Hunyo 7, 2021, an mga kaapi han Fishery Law Enforcement Team (FLET), upod an pulis in nagserbe hin pormal nga notice ngadto han mga nagtatag-iya han mga buno-an ha Brgy.69 Anibong upod an pagpasabot ha ira nga an pagbutang han buno-an in nakakatalapas han Section 2A of Barangay Ordinance No. 01-2018, nga nagpapahayag nga “No Person or group of persons shall be allowed to construct, maintain or operate a Buno-an within the territorial jurisdiction of Barangay 69, Anibong, Tacloban City.”

Dida han pormal nga abiso, gintatagan hira hin panahon nga tanggalon an ira bonoan. Kun diri nira mabuhat, an City government an magtatanggal hini ha igintalaan nga panahon.

An pananggal han mga illegal nga struktura ha kabaybayunan han Tacloban in usa han mga kampanya nga gintututukan han FLET, siring han mangulo hini nga buhatan, Carlos Dave L. Castello.

Sakop han Cancabato Bay Fish Sanctuary an kabaybayunan han Anibong ha siyudad han Tacloban.

Ha sulod hini nga kanan siyudad Fish Sanctuary diri pwede an mga illegal nga straktura sugad han buno-an.

An buno-an in usa nga baga hin alad kun kitaon ngan permanente nga struktura ha medyo himabaw nga parte han dagat. May ada hini alad nga net ha ilarom, ngan hin baring para sumuhot ngan madakop an mga isda ug iba pa nga mga produkto han dagat.

M. Padernos/CIO

About the author:

Leave a comment

Back to Top