Mobile Vaccination Team nanbakuna ha Tacloban City Jail; Mayor Romualdez bumisita

Mobile Vaccination Team nanbakuna ha Tacloban City Jail; Mayor Romualdez bumisita

Mobile Vaccination Team nanbakuna ha Tacloban City Jail; Mayor Romualdez bumisita

No Comments on Mobile Vaccination Team nanbakuna ha Tacloban City Jail; Mayor Romualdez bumisita

Para maprotekraran gihapon an mga preso kontra han Covid-19, ginpatikangan han Mobile Vaccination Team han syudad, ha pangunguna ni Dr. Joedina Gumagay, an panbakuna han kwarenta-y-dos (42) nga mga kakabayin-an nga preso ha Tacloban City Jail han syahan nga dose han Sinovac, yana nga adlaw, Agosto 12, 2021.

Ginbisita naman ni Mayor Alfred S. Romualdez, kaupod an ia anak nga hi Raymund Romualdez, an nasabi nga panbakuna, kun diin syahan ini nga panbakuna han mga Persons Deprived of Liberty (PDL) dinhi ha Rehiyon Otso.

Nagpasalamat naman hi BJMP Regional Director JSSUPT Delvic L. Oreiro ha City Government of Tacloban, Department of Health-EV, ngan ha Tacloban Mobile Vaccination Team para han paghatag hin prayoridad pagprotektar kontra Covid-19 han mga preso ha Tacloban City Jail.

Gintotoohan nga ha diri maiha nga panahon makakakarawat gihapon han nasabi nga bakuna an 591 nga mga kalalakin-an nga preso.

Dugang pa nga impormasyon han Regional Director, samtang waray pa bag-o nga abiso tikang ha IATF, nagpapabilin an diri pagtugot han pagbisita han kapamilya han mga preso ngan pati na gihapon an pagkamay-ada hin mga aktibidades o katitirok ha sulod.

RPA-Cablao/CIO

About the author:

Leave a comment

Back to Top