Nahibibilin nga 9,000 nga titulo ginpapadagmit ni Mayor Alfred, mga baraydan libre na

Nahibibilin  nga 9,000 nga titulo ginpapadagmit ni Mayor Alfred, mga baraydan libre na

Nahibibilin nga 9,000 nga titulo ginpapadagmit ni Mayor Alfred, mga baraydan libre na

No Comments on Nahibibilin nga 9,000 nga titulo ginpapadagmit ni Mayor Alfred, mga baraydan libre na

May-ada pa nahibibilin nga sobra 9,000 nga mga pabahay iton taragan han ira mga titulo han balay ngan tuna nga ginhangyo ni Mayor Alfred Romualdez ha NHA nga darodagmiton iton proseso hini para maihatag na ha mga tawo san-o magtapos ini nga tuig 2021.

Iya ini ginbul-iwan nga pahayag panahon han usa pa ka hugna hin panhatag han 222 mga titulo kakulop, Septyembre 23, para han mga taga St. Francis Village 1 & 2, North Hill Arbours, ngan Villa Diana nga gindumara ha St. Francis Village Gymn ha Brgy. 105 Suhi.

Han waray pa pagtitikang an programa, sige an iroestorya han mga tawo haira pagkabaraka han mga kabaraydan ha pag proseso ha pag balhin han titulo ngadto han ira ngaran nga porlominus naabot hin tag 2,000 ka pesos- kay sumala haira makuri gud iton pamiling hin kwarta yana nga panahon.

Kundi, nawara an ira pagkabaraka han igpahayag ni Mayor Romualdez nga libre na an ngatanan nga baraydan pati ha mga ahensiya han gobyerno nga aagian han papel komo resulta han nahiuna na nga pahayag han alkalde nga sige an ira mereting ngan han mga hintutungdan nga ahensiya han gobyerno nga malibre na an mga baraydan.

Kaupod dida hini nga panhatag han titulo hi Hon. Aimee D. Grafil ( nalingkod, nakapula) komo Chairman, Committee on Housing and Urban Development ha konseho han siyudad, mga taga NHA, ngan Commissioner Romeo Jandugan han Philippine Commission on Urban Poor, ngan CSWD Officer Chona Aurelia Bahin.

Ha luyo han sunod-sunod nga panhatag han mga titulo han mga tuna ha mga pabahay relocation sites, an Tacloban City Housing and Community Development Office ha ilarom han pagmangulo ni Mr. Ted Joson an mahugot nga nakikipagsumpayan ha National Housing Authority ug iba pa nga mga departamento ngan ahensiya han gobyerno nga gin-aagian han mga papeles san-o ini mai release ngan maihatag ha mga nagtatag-iya.

Samtang, kada panhahatag han mga titulo, pirme nagpapahimatngon hi Mayor Romualdez nga ukyan gud an ira mga balay ngan diri igbaligya an titulo ngan an balay kay para gudla ini haira nga mga biktima han Yolanda agud nga may-ada nira talwas nga puy-anan magka anu-ano pa man.

M. Padernos/CIO

About the author:

Leave a comment

Back to Top