Norte Tacloban may-ada na dako nga Evacuation Center

Norte Tacloban may-ada na dako nga Evacuation Center

Norte Tacloban may-ada na dako nga Evacuation Center

No Comments on Norte Tacloban may-ada na dako nga Evacuation Center

Tacloban City ( Sept. 02, 2021) – Bag-o, dako, mabakud, hiluag ngan kumpleto hin mga facilities pati CCTV.

Ini an Evacuation Center nga igin turn-over ha City government of Tacloban ngan ginkarawat ni Mayor Alfred S. Romualdez kanina han aga nga nahimumutang ha Brgy. 101 New Kawayan- ha luyo la han eskwelahan ngan Police Station ha Norte Tacloban.

Nakantidad hin P35M ini nga bug-os nga pasilidad nga natindog ipinaagi han pag binuligay han City government of Tacloban, Tingog Party list, Office of Leyte 1st District Congressman Ferdinand Martin Romualdez ngan han DPWH.

Nagtambong hini nga turnover in pira nga mga konsehal han siyudad, ngan mga Barangay Kapitan han Norte Tacloban nga asya an ginpapahinungdan han proyekto.

Nahibaruan nga dida han Pebrero 2021 gintikangan an trabaho, ngan pagka Hulyo 2021 – o kahuman hin pito (7) ka bulan nga trabaho- natima na ini.

Dako an pasalamat ni Mayor Romualdez hini nga proyekto kay sumala haiya dako ini nga bulig ha mga molupyo han Norte Tacloban ha panahon hin mga kalamidad.

Samtang, iginpahayag ni City Engineer Dionisio “Dony” De Paz, may-ada pa osa nga Evacuation Center nga titindogon hirani la dida hini nga Evacuation Center yana.

M. Padernos/CIO

About the author:

Leave a comment

Back to Top