Guin sisiguro ni Mayor Alfred S. Romualdez nga may-ada igo nga kinaadman ha pag negosyo an mga mag bubutang hin negosyo ha mga pabahay o relocation sites ha Norte Tacloban, sanglit gin dumara kakulop in osa nga Entrepreneurial Workshop nga gintambungan mismo han alkalde.

Binuhat ini ha sulod han bag -o nga dry market ha luyo la han Tacloban North City Hall Extension Office diin cincuenta (50) an mga bumulig tikang ha Villa Sofia, Greendale ngan Pope Francis Village.

Sumala kan Ms. Ruth Ramirez, Head, Tacloban North City Hall Extension Office, kasugbong dida hini nga aktibidad an Department of Trade and Industry (DTI), ngan han National Housing Authority (NHA) komo community livelihood program component.

Kasumpay hini, igin mando ni Mayor Alfred S. Romualdez ha City Social Welfare and Development Office (CSWDO) nga tagan hin tag P5,000.00 an 50 ka tawo nga bumulig han workshop para idugang nga puhunan han ira tagsa tagsa nga mga negosyo.

Dako gud an pasalamat kan Mayor Alfred pati ha DTI NHA ngan CSWDO han mga bumulig han workshop kay dako an ira nahibaruan ha tama nga paagi pag negosyo ngan may ayuda pa nga puhonan nga magagamit pag negosyo para han pamilya.

M. Padernos/CIO