Panrehistro para han National ID o gintatawag nga PhilSys, mas pinakusog

Panrehistro para han National ID o gintatawag nga PhilSys, mas pinakusog

Panrehistro para han National ID o gintatawag nga PhilSys, mas pinakusog

No Comments on Panrehistro para han National ID o gintatawag nga PhilSys, mas pinakusog

Tacloban City- An Ika-tulo nga Registration Center han siyudad para han National ID o PhilSys an pormal na nga gin-abrihan yana nga adlaw, Abril 26, 2021. Matatad-an Ini nga registration center ha 3rd floor han Robisons North, Abucay.

Matitigamnan nga nauna pag-abre an mga registration center ha Tacloban City Hall Extension ha Norte nga dapit han Tacloban, ngan ha Tacloban Convention Center o Astrodome.

An Barangay 6-A an siyahan nga makakagamit han bag-o nga pasilidad han PSA. May ada unum (6) nga registration kits nga pwede makarehistro hin maabot 360 ka tawo kada adlaw, tikang han alas otso han aga kutob alas sais han gab-i.

Sumala kan Sheryl Jamisola, Leyte Chief Statistical Specialist, naka-schedule la gihapon an pagkadto ha mga registration centers, ngan diri pwede an mga walk-in.

Para han mga may trabaho o kun ano man nga rason nga diri piede makakadto han gintakda nga adlaw han registration, pwede la gihapon magparehistro ha iba nga adlaw.

Gintatalinguha han pamunuan han PSA nga magiging andam na gihapon an online application para han Step 1 yana o ha sunod nga semana.

Gin-aaghat an ngatanan nga magparehistro nga sumunod han pagsul-ot han face mask ngan face shield ngan pagkaada hin physical distancing.

R. D. Ortega/CIO

About the author:

Leave a comment

Back to Top