PEOPLE’S DAY NI MAYOR ROMUALDEZ MARIBHONG, FINANCIAL ASSISTANCE IPINANHATAGTACLOBAN CITY

PEOPLE’S DAY NI MAYOR ROMUALDEZ MARIBHONG, FINANCIAL ASSISTANCE IPINANHATAGTACLOBAN CITY

PEOPLE’S DAY NI MAYOR ROMUALDEZ MARIBHONG, FINANCIAL ASSISTANCE IPINANHATAGTACLOBAN CITY

No Comments on PEOPLE’S DAY NI MAYOR ROMUALDEZ MARIBHONG, FINANCIAL ASSISTANCE IPINANHATAGTACLOBAN CITY

Paropanahi an pakabuhi hi Nelia Adona nga naka base la haira balay ha Pope Francis pabahay ha Brgy. 99 Diit. Mga kurtina, bed sheets ngan mga punda an iya gintatahi ngan iginbabaligya haiya mga amyaw o kun hin-o man an naruruyag- ngan tikang han iya benta dida nira kinukuha an ira adlaw adlaw nga pangastos.

Kundi siring ni Nelia, nagkakautod-utod an niya produksiyon kay kinukulang hiya han puhonan sanglit diri hiya nakakapalit han tela nga tarahion.

Sanglit dako gud an iya kalipay nga osa hiya han 39 nga nakagtapos han Entrpreneurial Workshop hadton Oktubre 19, ngan kakulop, Oktubre 27, osa hiya han natagan han pandugang puhonan nga tag P5,000.00 nga ipinanhatag han City government ipinaagi kan Mayor Alfred S. Romualdez.

Hi Philip Lumbre naman, Sari-Sari Store an gutiay nga negosyo, nga sumala haiya diri gud damo an sulod han tindahan ngan dida liwat nira ginkukuha an ira adlaw adlaw nga pangastos ug kunsumo ha pagkaon.

Hul-os an pasalamat ni Lumbre kan Mayor Alfred han iya nakarawat nga P5,000.00 kay iya ini maipapalit hin dugang nga paninda ngan mag mama rabong an iya tindahan- ngan dako ini nga bulig para han iya pamilya.

Hira Philip ngan Nelia, nagsiring nga dako an ira nahibaroan dida han Financial Management nga igintututdo haira hadton ira workshop nga gindumara han DTI kay ira na ini magagamit yana agud mapa dalagan hin maupay nga ha dayuday mapadako an gutiay nga negosyo.

Kaupod han City government dida han paghorma hini nga proyekto an Inter-Agency nga naglalakip han National Housing Authority (NHA), Department of Trade and Industry (DTI), CSWDO ngan North Tacloban City Hall Extension.

An iba nga nagtambong han People’s Day ni Mayor Alfred nga binuhat ha North Tacloban City Hall Extension, naka karawat liwat han iba nga ayuda sugad han burial assistance ngan medical assistance nga tag P2,000.00.

M. Padernos/CIO

About the author:

Leave a comment

Back to Top