Sibuyas, gin-eeksperimentohan tanumon ha Tacloban

Sibuyas, gin-eeksperimentohan tanumon ha Tacloban

Sibuyas, gin-eeksperimentohan tanumon ha Tacloban

No Comments on Sibuyas, gin-eeksperimentohan tanumon ha Tacloban

Tacloban City ( January 18, 2023)– Nagmarahal an sibuyas tubtob hin tag P800 an kilo dida han bulan Disyembre panahon han kamasurong han mga panakot ha oksasyon han kapaskohan ug han pag-tapo han bag-o nga tuig.

Nagdurot ini hin alarma ha mga mamaralit ug ha mga opisyal han gobyerno tubtob ha mga local government units.

An pag hingulang hin supply han sibuyas an osa han nakita nga rason kay-ano nagmahal hin duro ini.

Ha Tacloban City, an pamunuan han siyudad ipinaagi han Office of the City Agriculturist in aada yana pag diskubre hin posibilidad nga makaghimo hin dako nga umhanan hin sibuyas ha Tacloban.

Sumala kan City Agriculturist Romelo “ Melong” T. Anade, an City Government of Tacloban, ipinaagi han ira buhatan in aada yana ha experiment nga period kun diin ira gindidiskubre kun ano nga variety hin sibuyas ngan diin nga dapit han siyudad ine matubo hin maupay. Ngatanan ini nga eksperimento aadto ha mga barangay ha Norte Tacloban kun diin aadto iton hiluag nga katunaan para hin umhanan.

An sibuyas komo diri unob (endemic) nga tanom ha mga uma ha siyudad han Tacloban in aada yana hin mahugot nga obserbasyon kun hain han iba-iba nga mga variety hini an maturok hin maupay ha klase han tuna ngan ha klase han klima may-ada an syudad, siring ni Anade.

Kun ano nga variety hin sibuyas an maturok hin maupay, ngan diin ini nga lugar mas naayon, aadto ini magkakaada hin mass production- o mag-uuma hin hiluag kasugbong an mga farmers associations.

Panuyo hini, sumala kan Anade, nga magdamo an supply han lokal nga sibuyas ha siyudad nga maibabaligya hin mas himubo nga presyo, nga diri nala magtinapod han mga imported o kinumpra tikang ha lain nga mga lugar nga naghihitaas an presyo.

💻 mmp/CIO

About the author:

Leave a comment

Back to Top