Sobra 20K nga Senior C ha Tacloban waray aktibidad, kadam-an nadiri magpabakuna

Sobra 20K nga Senior C ha Tacloban waray aktibidad, kadam-an nadiri magpabakuna

Sobra 20K nga Senior C ha Tacloban waray aktibidad, kadam-an nadiri magpabakuna

No Comments on Sobra 20K nga Senior C ha Tacloban waray aktibidad, kadam-an nadiri magpabakuna

Tacloban City, Philippines (3.18.21) – Komo paglikay nga diri madarahigan hini nga COVID-19 an mga senior citizens, waray gud la anay bisan ano nga aktibidad iton Office of Senior Citizens Affairs (OSCA) yana samtang ada pa nagbabandera ini nga pandemic.

Ini an Utro nga igin sayod yana nga adlaw, Marso 17, 2021, ni Dr. Angela C. Figer, OSCA Head han siyudad han Tacloban. Huhulaton la anay nira an mando ni Mayor Alfred S. Romualdez nga tikang liwat ha national government, siring ni Figer.

Samtang, igin pahayag ni Engr. Teodolfo A. Cayson, Tacloban Federation of Senior Citizens (TACFESCA), nga nag oopisina gihapon ha OSCA, an pira han ira mga aktibidad kunta amo an mga livelihood projects, medical mission ngan iba pa nga mga medical services para ha mga senior citizens. Pero mahitungod nga pandemya yana, waray hini nira yana nga mga aktibidad.

Ha lain nga sumat, igin sumat ni Engr. Cayson nga kadam-an han mga senior citizens in nadiri hiton pagbakuna kontra covid-19. Ha yana, aada ha 20,000 iton mga senior citizens ha siyudad han Tacloban- diin 10,000 hini iton mga aktibo siring ni Cayson.

Rason han mga Senior C, mga lagas na hira ngan damo na iton mga kumplekasyon nga sakit- ngan kun babakunahan pa kontra covid bangin lugod asya pa an maka-raut ha ira panlawas, sumala han ira kunsultasyon, siring ni Cayson.

Mismo hi Cayson nga yana 84 anyos na, nag siring nga diri nala anay hiya mapabakuna kontra covid-19.

M. Padernos/CIO

About the author:

Leave a comment

Back to Top