Water District, City Government nagbubulig matagan hin tubig an Norte Tacloban

Water District, City Government nagbubulig matagan hin tubig an Norte Tacloban

Water District, City Government nagbubulig matagan hin tubig an Norte Tacloban

No Comments on Water District, City Government nagbubulig matagan hin tubig an Norte Tacloban

Samtang nagpapadayon pa iton paghingayad nga maplastar hin maupay iton surok/supply hiton tubig ngadto ha Norte Tacloban pabahay, an City government of Tacloban in naghihimo liwat hin mga paagi agud la nga matagan hin tubig an mga nag-uukoy ha Norte han siyudad.

Usa na hini an pagbutang hin mga tangke o water tanker ha usa nga lugar sulod han Pabahay subdivisions kun diin adto mag-aalog hin tubig an mga molupyo samtang diri pa nakakadiretso ha ira tagsa tagsa nga gripo an tubig.

Ha kadugangan, an Leyte Metropolitan Water District nga mas kilala na yana nga PrimeWater Leyte Metro ngan han City Governernt of Tacloban in may-ada naka salang ha konseho han siyudad nga “Resolution No. R2021-14-442- Request to pass a Resolution for Authority to Enter into a Memorandum of Agreement By and Between the City Government of Tacloban and Leyte Metropolitan Water District, Represented by its General Manager, Mr. Pastor A. Homeres, Relative to the Assignment of Water Delivery Truck for the City of Tacloban, to be Used Exclusively for the Supply of Water in the Tacloban North Communities.”

Ini nga ginhihingita nga MOA in ginaadman yana han komitiba ha City Council nga Committee on Rules, Laws and Privileges.Ha panahon nga ma aprobaran na ini han konseho, may-ada na gud truck nga para gudla hin pag deliver han tubig ha Norte Tacloban samtang nga padayon pa an panbutang han mga tubo para han permanente nga tubig dida hini nga lugar.

Kasumpay hini, dida han nakalabay nga semana, ginmeeting ni Mayor Alfred S. Romualdez an mga opisyales han PrimeWater Leyte Metro, City Housing ngan National Housing Authority. Dida hini nga meeting, igin plastar ngadto kan Mayor Alfred an ngatanan nga plano para han connection han tubig ha mga balay didto ha Norte Tacloban.

M. Padernos/CIO

About the author:

Leave a comment

Back to Top