Yolanda Survivors may relief operation ha bagyo Odette Survivors

Yolanda Survivors may relief operation ha bagyo Odette Survivors

Yolanda Survivors may relief operation ha bagyo Odette Survivors

No Comments on Yolanda Survivors may relief operation ha bagyo Odette Survivors

Tacloban City (Jan. 27, 2022) – An mga nag-uukoy ha mga resettlements o pabahay ha Norte Tacloban in puros mga survivors han super typhoon Yolanda dida han November 08, 2013 nga nag-antos hin grabe nga kakurian- salit man abat nira an gin-aagian nga kakurian han mga naigo han super typhoon Odette ha Southern Leyte dida han Disyembre 16, 2021.

Komo ira pag pa-id han mga igkasi biktima hin bagyo nga yana padayon nagkukuri, an mga opisyales han kada Home Owners Association (HOA) han 13 nga mga pabahay in nag kaurosa an mga lunsad hin Relief Operation para ha Southern Leyte.

Mga used clothing, de lata, kape ngan bugas an ira natirok nga yana nakatambak na ha North City Hall Extension, ngan andam na para ihatod ngadto ha Southern Leyte.

An ira natirok nga kwarta, asya an igin palit hin pira ka sako nga bukas nga gin batag-batag para han mga pananagan didto ha Southern Leyte.

Siring ni Terry , osa nga napakianhan news team, “ inaabat namon an kakurian nga ira yana gin-aantos kay gin-agian na iton namon hadto han Yolanda- sanglit bisan kun mga pobre la liwat kami karuyag namon bumulig haira ha amon maarakos nga bulig”.

Mahinunumduman nga , an City Government of Tacloban ha pag mangulo ni Mayor Alfred S. Romualdez in nag dumara na gihapon hin relief operation didto ha Southern Leyte.

Sumala kan Mrs. Ruth Ramirez, Head, North Tacloban City Hall Extension, ha koordinasyon hiton buhatan ni Mayor Alfred, igtatalaan ha gilayon nga takna an paghatod han mga relief goods ngadto ha Southern, Leyte.

Siyahan nga simana han Enero 2022, gintikangan han mga taga pabahay an pag tirok han mga relief goods, ngan nahibaroan nga diri la limitado ha mga taga pabahay an pwede magpaabot hin hinabang para ha Southern Leyte, pwede gihapon an iba nga may kasingkasing hin pagbulig.

Ha yana, an mga taga North Hill Arbours, New Hope, Villa Diana, Villa Sofia, Guadalupe, GMA Kapuso Village, UN Habitat, UNDP, Aeroville, Ridgeview, St. Francis Village, Lions, ngan Core Shelter an nakagtirok na han mga relief goods nga aada na ha North Tacloban City Hall Extension.

M. Padernos/CIO

About the author:

Leave a comment

Back to Top